Brim er handhafi Umhverfisverðlauna Atvinnulífsins 2019, en verðlaunin voru afhent á Umhverfisdegi atvinnulífsins 9.október síðast liðin.
Í ummælum valnefndar fyrir Umhverfisverðlaunin segir: Brim hefur tekið umhverfismálin föstum tökum. Fyrirtækið leggur áherslu á samfélagsábyrgð og virðingu fyrir umhverfinu og hefur unnið að því að kortleggja áhrif og ábyrgð félagsins.
Þá hefur Brim sett sér markmið og mælikvarða til að mæla árangur, draga úr sóun og auka verðmæti. Brim hefur dregið markvisst úr losun gróðurhúsalofttegunda, fjárfest í nýrri tækni og skipum sem hefur skilað miklu.
Guðmundur Kristjánsson forstjóri Brim mun kynna þá vinnu sem liggur að baki þeim árangri sem fyrirtækið hefur náð í umhverfismálum og þá áherslu sem lagt hefur verið á mælingar og markmið. Torfi Þorsteinsson forstöðumaður samfélagstengsla mun þá einnig taka þátt í umræðum og fyrirspurnum.
Minnum tengiliði aðildarfélaga að velkomið er að bjóða með samstarfsfólki sem gæti haft gagn og gaman af því að taka þátt. Hlökkum til að hitta ykkur sem flest, kynnast Brim, tengjast og eiga gott samtal.