27.01 2022 – 09:00-12:00

Janú­ar­ráð­stefna Festu 2022 – Á rétt­um for­send­um
@Rafrænn viðburður


Á réttum forsendum

  • this a digital conference – the keynote speeches and a panel discussion with Kate Raworth and Johan Rockström will be in English
  • LinkedIN viðburður þar sem fylgjast má með öllu sem tengist ráðstefnunni: (1) LinkedIn

Broadcasting link – beinn hlekkur á útsendingu:  Janúarráðstefna Festu on Vimeo

Janúarráðstefna Festu 2022 fer fram 27.janúar frá kl 9:00 – 12:00, og líkt og ráðstefnan síðastliðin janúar verður hún rafræn og opin öllum.

Janúarráðstefna Festu er stærsti árlegi sjálfbærni vettvangur á Íslandi og verður dagskráin í ár einstaklega glæsileg þar sem við fáum til okkar “keynote” ræðufólk sem er í hópi fremstu fræðimanna og leiðtoga á alþjóðasviðinu þegar kemur að sjálfbærni og loftslagsmálefnum.

Þá munum við bjóða upp á þrjár öflugar pallborðsumræður þar sem við fáum til okkar leiðtoga úr íslensku samfélagi til að ræða þau sjálfbærni málefni sem brenna á okkur öllum. Sjá má kynningar á þeim sem þar taka þátt hér neðar á síðunni.

Sjá dagskrá hér neðar á síðunni.

Kate Raworth  og  Kleinuhringja hagfræðin 

Kate Raworth er höfundur kleinuhringja hagfræðinnar (e. Doughnut Economics). Kleinuhringja hagfræðin er byggð á hagfræðilíkani sem leitast eftir því að finna jafnvægi milli grunnþarfa mannkynsins innan þolmarka jarðarinnar (e. Planetery Bounderies).

Hugmyndir Raworth um kleinuhringja hagkerfið hafa síðustu ár haft gríðarlega mikil áhrif um alla heim og má þar nefna borgir á borð við Amsterdam og Barcelona,  fjölmargar hreyfingar á borð við Extincion Rebellion, allsherjarþing Sameinuðu þjóðanna og Páfann í Róm.

 

Yfir 4 milljónir hafa horft á Ted fyrirlestur hennar – mælum með áhrifi.

Raworth er meðstofnandi  Doughnut Economics Action Lab (DEAL). DEAL er hluti af vaxandi alþjóðlegri hreyfingu um nýja og framsýna hagfræði. Markmið DEAL er að stuðla að innleiðingu hagfræði sem svara þörfum 21. aldarinnar. Hagfræði sem hefur auðgandi áhrif á vistkerfi jarðar og dreifir verðmæti milli fólks með jafnari hætti en ríkjandi hagkerfi gerir.

Raworth er höfundur metsölubókarinnar Doughnut Economics: seven ways to think like a 21st Century Economist, sem nú er fáanleg í Bóksölu Stúdenta. Bókin hefur verið þýdd á yfir 20 tungumál og hugmyndir hennar hafa haft áhrif á skipulag borga og samfélaga víða um heim. 

Kate er Senior Associate hjá Environmental Change Institute við Oxford háskóla, þar sem hún kennir í meistarnáminu: Environmental Change and Management. Hún er einnig Prófessor of Practice hjá Amsterdam University of Applied Sciences. Hún er meðlimur í Rómar klúbbnum (e. The club of Rome) og situr í ráðgjafaráði Alþjóðaheilbrigðismálastofnunarinnar, WHO. 

Kate hefur komið fram í The Guardian, The New Statesman, Newsweek.com, Wired.com, BBC,CNN world news, ABC and NPR, CBC og Al-Jazeera. The Guardian hefur sett hana á topp 10 lista sinn yfir tístara (e.tweeters) sem leggja áherslu á umbreytingu hagkerfisins. @KateRaworth 

Það er Festu mikill heiður að bjóða Kate Raworth velkomna á Janúarráðstefnu Festu 2022.

Hlekkir:

Johan Rockström og þolmörk jarðar

Johan Rockström forstöðumaður Potsdam Institute for Climate Impact Research í Þýskalandi og alþjóðlega viðurkenndur vísindamaður og hafa hans rannsóknir beinst að þrautseigju vistkerfa jarðar.

Rockström er þekktastur fyrir að leiða hópa vísindamanna við greiningu á þolmörkum jarðar (e.Planetary Boundaries).  Þolmörk jarðar útlista 9 ólík þolmörk. Þá greinir líkanið hvaða mörk við höfum nú þegar stigið yfir, hvar við nálgumst þolmörkin og hvar við erum í ágætri stöðu. 

Rúmlega fimm milljónir manna hafa hlustað á Ted fyrirlestra Rockström’s um þolmörk jarðarinnar. 

 

Rockström hefur verið verðlaunaður fyrir störf sín og í sumar kom út Netflix heimildarmynd um störf hans sem sjálfur David Attenborough talar inn á. Við mælum eindregið með áhorfi – Breaking Boundaries – The Science of Our Planet

Johan er ráðgjafi um málefni sjálfbærrar þróunar á allsherjarþingi Sameinuðu þjóðanna, alþjólegum fundum Alþjóðaefnahagsráðsins (e.World Economic Forum) og á loftslagsþingi Sameinuðu þjóðanna (COP). Hann er formaður í ráðgjafanefnd EAT foundation og kom að EAT-Lancet greiningarvinnunni um matvælakerfi á heimsvísu, hvort og hvernig umbreytinga sé þörf. 

Rockström er höfundur bókanna Breaking Boundaries: The Science of Our Planet (2021) sem er fáanleg í Bóksölu stúdenta, og The Human Quest (2012) og Big World Small Planet (2015) í samstarfi með ljósmyndara National Geographic, Mattias Klum. Aðrar markverðar bækur eftir Rockström má nálgast hér.  

Það er Festu mikill heiður að bjóða Johan Rockström velkominn á Janúarráðstefnu Festu 2022.

Hlekkir:

Á ráðstefnunni fáum við til okkar leiðtoga og sérfræðinga úr íslensku samfélagi í þrjár ólíkar panel umræður. Festa er einstaklega stolt af þeim öfluga hóp sem kemur að þessu með okkur og hlökkum til að eiga við þau samtal um hvernig við vinnum með áherslur ráðstefnunnar á íslenskum vettvangi.

Hér má senda inn spurningar sem bornar verða upp í panelumræðum Janúarráðstefnu Festu – hlekkur.

Við munum nú kynna panel þátttakendur og yfirskriftir panela fram að ráðstefnunni og fyrst kynnum til leiks:

 

Breytingar á lögum og upplýsingagjöf um sjálfbæran rekstur: Hvað þýðir það fyrir atvinnulífið?

  • Tómas N.Möller, formaður Festu. Stýrir umræðum
  • Ásdís Kristjánsdóttir, aðstoðarframkvæmdastjóri Samtaka atvinnulífsins
  • Andri Þór Guðmundsson, forstjóri Ölgerðarinnar
  • Hafdís Hanna Ægisdóttir, forstöðumaður Stofnunar Sæmundar fróða um sjálfbæra þróun
  • Eva Margrét Ævarsdóttir, lögmaður og ráðgjafi á sviði sjálfbærni hjá LEX

Dagskrá

* first hour of the agenda will be in English

Fundarstjóri: Hrund Gunnsteinsdóttir framkvæmdarstjóri Festu

  • 9:00 Fundarstjóri tekur á móti gestum við skjáinn
  • 9:05 Johan Rockström
    • Beyond building back better – The role of Nature in a Post-COVID World
  • 9:25 Kate Raworth
    • Can Iceland live in the doughnut?
  • 9:45 Panel umræður með Kate og Johan

10:00 hlé

  • 10:10 Tómas N.Möller, formaður Festu
  • Panelumræður ( sjá nánar ofar á síðunni)
  • 10:20 Hvernig ætlar fjármagn markvisst að stuðla að sjálfbærri framtíð? – Langtímahugsun og sýn fjárfesta
  • 10:40 Breytingar á lögum og upplýsingagjöf um sjálfbæran rekstur: Hvað þýðir það fyrir atvinnulífið?
  • 11:00 Orkuskipti og hringrásarhagkerfið. Hvaða stóru breytingar munu snúa við þróuninni?.

11:20 hlé

  • 11:30 Kynning á Aðildi 2022 – fellowship prógrammi Festu í samstarfi við Össur
  • 11:35 Endurgjöf frá fulltrúum ungmenna
    • Lára Kristín Þorvaldsdóttir, umhverfisverkfræðingur á samfélagssviði EFLU og fulltrúi Íslands í CATALY(C)ST
    • Sigríður Guðjónsdóttir fulltrúi Íslands í ReGeneration
  • 11:45 Samantekt, þakkir og lokaorð
  • 12:00 Ráðstefnulok

Festa þakkar eftirtöldum aðildarfélögum sínum kærlega fyrir stuðninginn við Janúaráðstefnu Festu 2022:

Aðalstyrkaraðilar

  • Arion banki
  • Landsbankinn

Styrktaraðilar:

  • Íslandsbanki
  • Kvika
  • Sjóvá
  • Eimskip

Ásamt:

  • Sendiráð Svíþjóðar á Íslandi
  • Atvinnuvegaráðuneytið

Janúarráðstefna Festu verður kolefnisjöfnuð að fullu

Miðstöð um samfélagsábyrgð og sjálfbærni

Mennta­veg­ur 1
101 Reykja­vík
festa@sam­felagsa­byrgd.is