04.06 2019 – 12:00-13:00

Án nátt­úr­unn­ar er­um við ekki
@Norræna Húsið

Sæmundargata
101 Reykjavík

Festa, Félag Sameinuðu þjóðanna á Íslandi og Norræna húsið kynna:

30% fyrir 2020 – Skýrsla Sameinuðu þjóðanna um líffræðilegan fjölbreytileika og Ísland

Á hverjum degi reiðum við okkur á náttúruna þegar við öndum að okkur andrúmslofti, borðum og drekkum vatn. Mannkynið hefur nú þegar umbreytt meira en helmingi af landi jarðarinnar til að framleiða mat og jarðefni og stórskemmt hafið. Af þessum sökum eru ekki aðeins um milljón tegunda í útrýmingarhættu, heldur er náttúran sjálf orðin verr í stakk búin til að vinna á móti mengun af okkar völdum.

Skýrsla Sameinuðu þjóðanna um líffræðilegan fjölbreytileika og vistkerfi (IPBES) sem kemur út á þessu ári gefur afar svarta mynd af stöðunni, viðbrögð við ástandinu eru sögð ófullnægjandi og það dugir ekkert minna en róttækar breytingar. Meðal fimm stærstu áhrifaþátta á þessa þróun eru röskun á landi, loftslagsbreytingar og mengun. Allt er þetta samofið og verkefnið krefst víðtæks samtakamátts.

Til að sporna við þessari þróun, segja sérfræðingar nauðsynlegt að vernda að minnsta kosti helming af villtri náttúru. Til að ná þessu markmiði, þurfum við að vernda 30% af plánetunni fyrir árið 2030.

Í dag er 15% af landi og 7% af hafinu verndað. Í október 2020 munu leiðtogar heims koma saman í Kunming í Kína til ræða Sáttmála Sþ um líffræðilega fjölbreytni. Við þurfum á hugrekki leiðtoga að halda til að sýna alvöru metnað í þessum málum og greiða leiðina fyrir sjálfbærari jörð.

Til að ræða þessa þróun, lausnir og áskoranir boða Festa, Norræna Húsið og Félag Sameinuðu þjóðanna á Íslandi til hádegisfundar þriðjudaginn 4.júní.

Staðsetning: Norræna húsið
Tímasetning: 4.júní 2019 12:00 – 13:00
Viðburðurinn fer fram á ensku

Dagskrá:
12:00 – 12:30
Nicole Schwab, Director International Relations, Last Wild Place, National Geographic Society. Nicole kynnir verkefnið Campaign for the Nature (www.campaignfornature.org) sem er alþjóðlegt verkefni sem snýr að því að þrýsta á leiðtoga heimsins til að vernda 30% af lífríki heims fyrir árið 2020. Nicole er einn af leiðtogum World Economic Forum og einn af stofnendum Young Global Leader Forum.

12:20 – 13:00
Pallborðs umræður og spurningar úr sal.
Þátttakendur:

Nicole Schwab, Director International Relations, Last Wild Place, National Geographic Society

Ester Rut Unnsteinsdóttir, spenndýravistfræðingur á Náttúrufræðistofnun Íslands

Hafdís Hanna Ægisdóttir, líffræðingur, phd í plöntuvistfræði og forstöðumaður Landgræðsluháskóla Sameinuðu þjóðanna.

Pétur Halldórsson, líffræðingur og formaður Ungra Umhverfissinna

Sandra Rán Ásgrímsdóttir, sjálfbærni verkfræðingur hjá Mannvit

Sævar Helgi Bragason, jarðfræðingur og umsjónarmaður þáttanna Hvað höfum við gert?

Fundarstjóri verður Hrund Gunnsteinsdóttir framkvæmdarstjóri Festu

Streymt var frá fundinum á https://livestream.com/accounts/14889744/events/8704376

Miðstöð um samfélagsábyrgð og sjálfbærni

Mennta­veg­ur 1
101 Reykja­vík
festa@sam­felagsa­byrgd.is