Erla Tryggvadóttir er samskiptastjóri hjá Vátryggingafélagi Íslands (VÍS). Hjá VÍS sér hún um að miðla upplýsingum um félagið til fjölmiðla og markaðsaðila og ber ábyrgð á framfylgd samfélagsstefnu félagsins.

Erla hefur víðtæka reynslu úr atvinnulífinu. Hún var meðal annars starfandi framkvæmdastjóri hjá Festu, miðstöðvar um samfélagsábyrgð, starfaði hjá Stekk fjárfestingafélagi, viðskiptastjóri hjá Brandenburg auglýsingastofu, verkefnastjóri á samskipta- og markaðssviði hjá Straumi fjárfestingarbanka og starfaði lengi hjá RÚV, bæði í sjónvarpi og útvarpi.

Erla stundar nú MBA-nám við Háskólann í Reykjavík (HR) og lýkur prófi vorið 2020. Hún er jafnframt með meistaragráðu í alþjóðaviðskiptum og markaðsfræði frá HR og Viðskiptaháskólanum í Kaupmannahöfn (CBS). Erla er með BA-gráðu í stjórnmálafræði frá Háskóla Íslands og lauk stúdentsprófi frá Verzlunarskóla Íslands.